قصه حقيقيه وصارت في رمضان هاد

اهلين

اليوم جايبه الكم قصه حقيقيه

وصارت في رمضان هاد

شفتها في موقع بانيت

وجبتها لهون

Cool

وصلت لموقع بانيت وصحيفة بانوراما رسالة عاجلة ومؤثرة جدا من الطيبة ننشرها حرفيا كما وصلتنا :
"السلام عليكم موقع بانيت احب ان تنشرو هذا الرسالة العاجلة في بانيت وبسرعة ارجوكم , انا شاب من الطيبة وحدث معنا ليلة مبيرح شيء لا يصدقه عقل , نحن عائلة حالتنا المادية ليس جيدة , وما بنخجل من هالشيء , الساعة الثالثة صباحا قمت لكي اعد وجبة سريعة للسحور ولاحضر نفسي لاصلي صلاة الفجر .
سمعت شيئا في خارج البيت صوت قرقعة , كان صوت غريب وكانت بوابة البيت الخارجية مسكرة بشنكل من الحديد , فتحت شباك البيت وشوفيت شخص يلبس زي ابيض وعلى راسه شيء يشبه القبعة باللون الابيض .. انا خفت لم افهم ماذا يفعل هذا الرجل ولم ارى شكله جيدا , لان الشيء الذي يشبه القبعة يغطي وجهه , لم اتمكن من الصراخ عليه شعرت لساني توقف عن النطق صدقوني , لم تخرج من فمي ولا كلمة..
صدقوني اهلي بالكاد استطاعو ان يشتروا لنا الملابس ونتجهز للمدرسة ونحن ناكل ابسط طعام والحمد لله لا اعتراض وانا بعرف وضعنا صعب كثير من ناحية مادية بس عنجد الحمد لله ..
الرجل او الشاب الذي اكلمكم عنه , قفز من فوق البوابة الحديدية وهي بوابة قصيرة , ودخل الى ساحة البيت , انا اعتقدت انه حرامي , بس ما في شيء ينسرق في الدار عشان هيك فكرت اشي ثاني فكرت حدا بدو يتخبا , فكرت حدا هارب ..
الشخص الي بحكي عنو كان حامل بايدو كيس نايلون ابيض وبداخله اشي ما قدرت اعرف شو هو من بعيد وانا اطلع من الشباك لانو الشباك الي طليت منه بعيد عن جهة الباب , ومرة وحدة الا الشخص هذا ركض وقفز من فوق البوابة البرانية اخرى مرة وطلع ولمحني وانا اطلع عليه , رفع الاشي الي زي الطقية عن وجهه وضحك بوجهي وقالي رمضان كريم .. وانا مش قادر احكي وافهم شو ماله هذا الزلمة شو بدو .. خفت انه مثلا حط على الباب قنبلة او اي اشي مخيف بس المشكلة انه لما نط من فوق الباب وطلع , وشافني شعرت اني بعرفه هذا الشخص بس انا بصراحة ما بعرفه فعلا , انا زي شعرت هيك شعور بدون ما افهم ليش شعرت هيك ومش عارف كيف اوصفلكم وبصراحة وانا اكتبلكم هسا شعرت بشعر جسمي وقف لاني كثير متاثر من الاشي ...
روحيت نبهت امي وقولتلها هيك هيك القصة , قالتلي بجوز بتتخيل بقولها لا ما بتخيل وقولتلها ضحك بوجهي وقالي رمضان كريم , قالتلي طيب تعال نروح برة نشوف , فتحنا الباب وصدقوني انا بكتبلكم وانا متذكر شكلو لهذا الشخص مليح بس ولا عمري شوفتو , لقينا علبة فيها كنافة وفوق الكنافة فيه شقفة نايلون وفوق شقفة النايلون فيه 5000 شيقل .. وورقة مكتوب عليها رمضان كريم ..
امي نزلت دموعها وانا نزلت دموعي مش لاني شوفيت هذا الاشي لا , لاني بتذكر هذاك الشخص قديش شعرت فيه اشي طيب ومقدرتش اوصفلكم شو هذا الشعور .. ولما ضحكلي وقالي رمضان كريم وبسرعة راح .. مشعرتش انه هرب شعرت انه بدو يروح بسرعة بدوش حدا يشوفو ..
انا بنشر هذا الي صار وبتمنى الناس تفهم انو الدنيا بخير .. وانو فيه عنجد ناس ما بنقدر نوصف قديش هومي ملاح .. يا ريت الناس تهتدي بلي صار معي وتصفي قلوبها في شهر رمضان .. وشكرا الكم زوار موقع بانيت وشكر خاص وكبير لهذا الشخص على هذا العمل .. الي شوفيت فيه اشهم انسان واكثر انسان قلبه طيب بالدنيا .. ويا ريت اعرف مين هووو ؟؟ يا ريت ... بانيت انشرو رسالتي بسرعة ارجوكم.."- الى هنا نص الرسالة التي وصلت لموقع بانيت وصحيفة بانوراما. ونترككم مع التعقيبات زوارنا الكرام ..

تحياتي :

" شجون "

» رمضان يجمعنا